CHADEMA KUTIKISA NCHI; HELIKOPTA TATU KURUSHWA NCHI NZIMA

Katibu Mkuu wa Chadema, Willibrod Slaa na mwenyekiti wake Freeman Mbowe wakielekea kuzungumza na  waandishi wa habari,  Makao Makuu ya  chama hicho Dar es Salaam jana kuhusu kuanza kwa ‘Operesheni Pamoja Daima’ ya kuzunguka  nchi nzima ili kuimarisha chama hicho.  Picha na Fidelis Felix 

Dar es Salaam. Chama cha Demokrasia na Maendeleo (Chadema) kuanzia leo, kinarusha helkopta tatu kwa siku 14 mfululizo, katika  kutekeleza kampeni iliyopewa jina la Operesheni Pamoja Daima (ODB) itakayoendeshwa katika mikoa yote nchini.

Ziara hiyo inaanzia katika mikoa ya Tanga, Mwanza na Ruvuma, huku viongozi wa chama hicho wakijigawa katika makundi sita; matatu yakitumia helkopta na matatu yatawafikia wananchi kwa kutumia usafiri wa magari.

Mwenyekiti wa Chadema, Freeman Mbowe alisema jana jijini Dar es Salaam kuwa, lengo la operesheni hiyo ni kukiimarisha chama hicho na kuwafumbua macho wananchi kuhusu mchakato wa Katiba Mpya.

“Tumejigawa katika makundi sita na makundi matatu kati ya hayo yatatumia helikopta kila moja, makundi mengine yatawafikia wananchi kwa misafara ya ardhini,” alisema Mbowe na kuongeza;

“Viongozi wakuu wa chama, wabunge, wenyeviti wa mikoa, wilaya, majimbo na kanda kila mmoja atashiriki kwa nafasi yake katika operesheni hii. Tutafanya mikutano kwa wiki mbili, ila tunaweza kuongeza wiki nyingine moja.”

Alisema chama hicho kimejipanga kuwafikia wananchi wengi kadri itakavyowezekana, ikiwa ni sehemu ya maandalizi ya uchaguzi wake wa ndani kuanzia ngazi ya mashina, uchaguzi mdogo wa madiwani katika Kata 27 nchini utakaofanyika Februari 9, mwaka huu pamoja na Uchaguzi wa Serikali za Mitaa.

“Naomba tueleweke, katika hili hatufanyi kampeni hata kidogo, huu ni mwendelezo wa maandalizi ya chaguzi mbalimbali. Kama mnakumbuka tulianza kujiandaa na uchaguzi wa mwaka 2015 baada ya kumalizika kwa Uchaguzi Mkuu wa 2010,” alisema Mbowe na kuongeza;

“Kwa sasa tunachokifanya ni kuongeza nguvu na umakini zaidi. Makundi yataanzia katika mikoa ya Tanga, Mwanza na Ruvuma, tutapita kila Kata ambazo utafanyika uchaguzi wa madiwani.”

Mbowe alisema operesheni hiyo itapiga kambi katika Jimbo la Kalenga ambalo kwa sasa lipo wazi baada ya mbunge wake ambaye pia alikuwa Waziri wa Fedha na Uchumi, Dk William Mgimwa kufariki dunia Januari 1, mwaka huu nchini Afrika Kusini.

“Tume ya Taifa ya Uchaguzi (Nec) haijatangaza kufanyika uchaguzi katika jimbo hilo, Chadema tutafika Kalenga na tutafanya mkutano maalumu na kutoa pole kwa wakazi wa jimbo hilo kutokana na msiba mkubwa wa mbunge wao,” alisema Mbowe.

Operesheni hiyo inafanyika siku chache tangu chama hicho kikuu cha upinzani nchini kipite katika mgogoro ambao ulisababisha aliyekuwa Naibu Katibu Mkuu wake, Zitto Kabwe kukimbilia mahakamani ili kunusuru uanachama wake.

Wakati Zitto akinusurika kufukuzwa kutokana na zuio la mahakama, aliyekuwa Mwenyekiti wa Chadema mkoani Arusha, Samson Mwigamba na Mjumbe wa Kamati Kuu, Dk Kitila Mkumbo walifukuzwa uanachama, likiwa ni hitimisho la mchakato ulioanza kwa kuwavua nyadhifa zao pamoja na Zitto.

 Daftari la wapigakura

Mbowe alisema msimamo wa chama chake ni kutaka daftari la kudumu la wapigakura lifanyiwe marekebisho kabla ya kupigwa kwa kura za maoni kwa ajili ya kupitisha Katiba Mpya.

“Tutagomea upigaji wa kura na tutawahamasisha wananchi kugomea kupiga kura. Serikali ya CCM isijidanganye kwa kuweka mikakati ya kukwamisha zoezi hili,” alisema Mbowe.

Alisema kama Serikali inataka amani iendelee kuwepo isifanye mzaha katika mchakato wa Katiba Mpya kwa maelezo kuwa Katiba siyo mali ya vyama vya siasa, bali ni mali ya wananchi.

“Katiba siyo ya  Chadema, CUF wala NCCR-Mageuzi. Sheria inaeleza wazi kwamba daftari la wapigakura ni lazima lifanyiwe marekebisho mara mbili baada ya Uchaguzi Mkuu na kabla ya kuanza Uchaguzi Mkuu mwingine lakini hilo halijafanyika mpaka sasa licha ya Uchaguzi Mkuu  kufanyika miaka minne iliyopita,” alisema Mbowe.

Alisema wapo Watanzania waliohama maeneo yao ya awali, waliopoteza vitambulisho, waliofikisha umri wa kupiga kura na kusisitiza kuwa kuwaacha watu hao nje ya mfumo wa kupiga kura ni kuwanyima haki yao ya Kikatiba.

“Kwa mujibu wa utafiti tulioufanya tumebaini kuwa wapo watu zaidi ya milioni 5 wanaohitaji kuingizwa katika daftari la wapigakura,” alisema Mbowe na kuongeza;

“Kama Katiba haitapita kwa sababu ya kutokuboreshwa kwa daftari la wapigakura hatutarudi katika Katiba ya sasa hiyo ni ndoto.”

 MWANANCHI

Read More

UPDATES: WANAFUNZI WANNE WAPOTEZA MAISHA NA WENGINE 35 KUJERUHIWA AJILINI MKOANI MTWARA LEO

Wanafunzi 4 wa Shule ya sekondari ya Sabodo iliyopo mkoani Mtwara,wamefariki huku wengine zaidi ya 35 wakmiwa wamejuruhiwa katika ajali iliyotokea iliyotokea mapema leo asubuhi baada ya wanafunzi hao kugongwa na gari walipokuwa katika mazoezi ya asubuhi (Mchakamchaka) shuleni hapo ambayo ipo Pembezoni mwa barabara kuku ya Mtwara ,Lindi kuelekea Dar es salaam.

Waliofariki katika ajali hiyo iliyowakuta wanafunzi hao wa Shule ya Sekondari ya Sabodo ni Ailat,Nasma na Hilda mmoja bado hajafahamika,Wote ni wanafunzi wa kidato cha kwanza na wametambulika kwa jina moja moja kwa kila mmoja..

Majeruhi wamekimbizwa katika hospitali ya Ligula,mkoani humo kwa ajili ya matibabu zaidi.

Habari kamili inawaijia hivi punde

na Michuzi Blog 

Read More

MGOMBEA URAIS WA FIFA JEROME CHAMPAGNE ATOA PENDEKEZO LA KUANZISHWA KADI ZA CHUNGWA KATIKA MCHEZO WA SOKA

Mgombea wa kiti cha urais wa shirikisho la mchezo wa soka duniani FIFA, Jerome Champagne, amependekeza kuanzishwa kwa mfumo wa kutoa kadi ya chungwa wakati wa mechi za soka, ili kuruhusu marefa wa mechi kuwaruhusu wachezaji waliofanya madhambi kuondolewa uwanjani kwa muda.

Champagne mwenye umri wa miaka 55 kutoka Ufaransa, aliyasema hayo siku ya Jumatatu wakati alipoanzisha kampeni yake ya kumrithi rais wa FIFA Sepp Blatter, kufuatia uchaguzi wa urais wa FIFA utakaofanyika mjini Zurich Juni mwakani 2015.

Amesema ikiwa atashinda atapendekeza vilabu vya soka kuadhibiwa ikiwa wachezaji wake watahoji maamuzi ya refa na vile vile kuchunguza uwezekano wa kutumia teknolojia kutatua maamuzi muhimu.

Miongoni mwa mapendekezo mengine aliyoyasema ni kuthibiti idadi ya wachezaji wa kigeni wanaosajiliwa na vilabu, kutangazwa kwa mshahara wa rais wa FIFA na maafisa wengine wakuu.

Aidha ameahidi kuwa atafutilia mbali sheria ya sasa inayotoa adhabu tatu kwa mchezaji ambaye atafanya madhambi katika eneo la hatari.

Kwa sheria ya sasa mchezaji yeyote anayefanya kosa katika eneo la hatari, hupewa kadi nyekundu moja kwa moja na pia kupigwa marufuku ya kutocheza mechi mbili zinazofuata.

Source:BBC

Read More

MANYANYASO YAKITHIRI SUDAN KUSINI.

Wa-Sudan Kusini waliokoseshwa makazi

Watu waliokoseshwa makazi kutokana na mapigano katika mji wa Bor baada ya kuwasili katika bandari ya Minkaman, nchini Sudan Kusin.

AFISA mwandamizi wa haki za binadamu katika Umoja wa Mataifa amesema jumatatu kwamba maelfu ya watu wameuawa katika ghasia huko Sudan Kusini na baadhi ya ukiukaji mbaya sana wa haki za binadamu huenda ukapelekea kuwepo kwa uhalifu wa vita na uhalifu dhidi ya ubinadamu.


Katibu mkuu msaidizi wa masuala ya haki za binadamu, Ivan Simonovi amelitembelea taifa hilo lililogubikwa na mzozo wiki iliyopita. Amesema hali ni ya kusikitisha sana na kuelezea orodha ndefu ya manyanyaso  ikiwemo mauaji, uchinjaji holela, ghasia za ngono, uchomaji, wizi wa ngawira na matumizi ya wanajeshi watoto.
Bwana Simonovic amesema ana matumaini kwamba katika muda wa wiki kadhaa watatoa ripoti ambayo itakuwa na baadhi ya matokeo ya awali kuhusu uchunguzi uliofanywa. Hadi sasa anasema kuna baadhi ya ushahidi  na wana baadhi ya tuhuma ambazo hazijafanyiwa uchunguzi wa kutosha.
Tayari anasema kwamba pande zote zimehusika na matukio ya ukiukaji wa haki za binadamu.Simonovic amesema ripoti yake ya awali huenda isiweze kuwatambua wanaotuhumiwa kutenda maovu  ambayo wakati mwingine itachukua muda zaidi.

Pia amesema kwamba Umoja wa Afrika-AU imependekeza kwa tume ya uchunguzi kuchunguza ukiukaji na kuzungumzia kiini cha mzozo.

Wa-Sudan Kusiniwaliokoseshwa makazi

Ghasia zilizuka katika taifa hilo changa katikati ya mwezi Disemba  wakati Rais Salva Kiir alipomshutumu naibu wake wa zamani Riek Machar kwa jaribio la mapinduzi, dai ambalo Machar amelikanusha.

Tangu wakati huo  mzozo umegeuka kuwa ghasia za kikabila ambazo zimehusisha makabila ya Nuer na Dinka na kusababisha vifo pamoja na raia kadhaa kukoseshwa makazi. http://www.voaswahili.com

Read More

KATIBU MKUU WA UMOJA WA MATAIFA AFUTA MWALIKO WA IRAN.

Mkutano wa kusaka amani Syria utaendelea bila Iran 


KATIBU Mkuu wa Umoja wa Mataifa Ban Ki-moon ameufuta mwaliko aliokuwa ameutoa kwa Iran kushiriki katika mazungumzo ya amani ya Syria ambayo yanatarajiwa kuanza kesho nchini Uswisi.


Uamuzi huo wa Ban Ki-moon ulifikiwa baada ya Iran kutupilia mbali mashariti yaliyokuwa yakiambatanishwa na mwaliko huo. Msemaji wake Martin Nesirky amesema Ban Ki-moon ameubatilisha mwaliko kwa Iran, baada ya nchi hiyo kukiuka yale waliyokubaliana.

''Katibu mkuu amehuzunishwa sana na tangazo lililotolewa na Iran, ambalo ni kinyume kabisa na ahadi iliyokuwa imetolewa, na anaendelea kuitolea wito nchi hiyo kuunga mkono maazimio ya mkutano wa Geneva.'' Amesema Nesirky.

Mwaliko huo uliotolewa ghafla juzi jioni haukudumu hata kwa saa 24, na ulikuwa umesababisha mtafaruku mkubwa, huku upinzani nchini Syria ukitishia kujitenga kabisa na mkutano wa kesho iwapo Iran ambayo ni mshirika mkubwa wa rais Bashar al-Assad ingeshiriki kwenye meza ya mazungumzo.

Iran 'ilikiuka' ahadi zake

Umoja wa Mataifa umesisitiza kwamba waziri wa mambo ya nchi za nje wa Iran Javad Zarif alikuwa amemhakikishia Ban Ki-moon kwamba anaelewa vilivyo, na anaunga mkono lengo la mazungumzo ya amani ambalo ni kuunda serikali ya mpito.

Waziri wa mambo ya nchi za nje wa Iran Javad Zarif

Lakini kabla ya kubatilishwa kwa mwaliko huo kwa Iran, balozi wa nchi hiyo kwenye Umoja wa Mataifa Mohammad Khazaee alikariri msimamo wa serikali yake, kwamba ikiwa kushiriki kwake katika mazungumzo kunafunganishwa na masharti ya kukubali maazimio ya mkutano wa kwanza wa Geneva, basi haitakwenda katika mkutano wa pili.Umoja wa Mataifa umesema katibu mkuu Ban alifanya mashauriano na Marekani na Urusi kabla ya kufuta mwaliko kwa Iran.

Marekani imesema inazo taarifa kutoka ndani ya serikali ya mjini Damascus, kwamba serikali hiyo inataka suluhisho la amani kwa mgogoro unaoendelea nchini humo.

Ingawa mkutano wa Montreux ambao pia umepachikwa jina la Geneva II unaanza kesho, wajumbe wa serikali ya Syria na wa upinzani wataanza kuzungumza Ijumaa. Bado vipo vizingiti vikubwa kwa mazungumzo hayo, ambavyo vimedhihirishwa na mpasuko wa ndani kwa upande wa waasi, msimamo mkali wa rais Bashar al-Assad, na kuendelea kwa ghasia ambazo zinavuka mpaka na kuingia katika nchi jirani.

Waziri wa mambo ya nchi za nje wa Urusi Sergei Lavrov

Mkusanyiko wa kiitifaki Urusi ambayo ni mshirika wa serikali ya Syria na mmoja wa waandaaji wa mkutano wa Geneva, imesema litakuwa kosa kubwa kutoishirikisha Iran katika mkutano huo. Katika mkutano na waandishi wa habari mjini Moscow muda mfupi uliopita, waziri wa mambo ya nchi za nje wa Urusi Sergei Lavrov amesema bila Iran mkutano wa kesho hautakuwa na chochote zaidi ya utaratibu wa kiitifaki. Iran nayo imesema ina mashaka juu ya mafanikio ya mkutano huo.

Muungano mkuu wa upinzani dhidi ya serikali ya rais Bashar al-Assad umesema utakwenda kwenye mkutano huo utakaofanyika katika mji wa Montreux, lakini kundi jingine kubwa lijulikanalo kama Baraza la Kiataifa la Syria limejitenga na mazungumzo hayo, likishikilia msimamo wake wa kutoshiriki mazungumzo yoyote hadi pale rais Assad atakapokuwa ameondoka madarakani.

Kwa mujibu wa takwimu za shirika la kuchunguza haki za binadamu nchini Syria ambalo lina makao yake nchini Uingereza, watu takribani 130,000 wamekwishauawa katika vita wenyewe kwa wenyewe vya Syria ambavyo

Read More

CHUO KIKUU CHA NORTH CAROLINA CHAGUNDUA AINA YA SUMU YENYE UWEZO WA KUUA SELI ZILIZOATHIRIKA NA VURUSI VYA UKIMWI KWA BINADAMU BAADA YA KUFANYIKA KWA UTAFITI WA PANYA 40 NCHINI MAREKANI.

 
TIMU ya Watafiti katika Chuo Kikuu cha North Carolina nchini Marekani, wamegundua aina ya sumu ambayo ina uwezo wa kuua seli ambazo zimekwishaathiriwa na Virusi Vya Ukimwi (VVU).


Sumu hiyo iliyopewa jina, 3B3-PE38, inaweza kutumika kutengeneza dawa ambayo ikitumiwa na mtu aliyeathirika kwa VVU, itasaidia kuua virusi.

Watafiti wamebaini pia kuwa dawa hiyo itaweza kusaidia waathirika kutolazimika kutumia dawa za Kupunguza Makali ya Ukimwi (ARVs) maisha yao yote.

Hii ni mara ya kwanza kwa wanasayansi kuweza kugundua sumu maalumu ya kuua VVU. Tafiti nyingi zinazoendelea sehemu nyingi duniani ni za kupata chanjo.

Kwa kawaida dawa ni sumu inayoua au kuathiri kiumbe kilichokusudiwa wakati chanjo ni njia ya kuufanya mwili kutengeneza wenyewe kinga dhidi ya vimelea, kulingana na aina ya ugonjwa.

Taarifa kwa vyombo vya habari iliyotolewa wiki hii na Taasisi ya Tafiti za Kukabili Magonjwa ya Kuambukiza na Mzio (NIAID) ya Marekani, inasema ni ugunduzi wa kipekee.

Upekee huo unaoelezwa unatokana na ukweli kuwa kwa sasa dawa zilizopo za ARV zina uwezo wa kuzuia seli nyeupe iliyoshambuliwa isimamishe mvumo wa kuzalisha virusi.

Walivyoendesha utafiti
Utafiti huo uliofadhiliwa na Taasisi ya Afya ya Taifa (NIH) ya Marekani, unaelezwa kuwa panya 40 walitumika katika kutafiti 3B3-PE38.

Walichofanya watafiti hao ni kuwagawa panya kwenye makundi kadhaa na kupewa dozi ya sumu ya 3B3-PE38 kwa viwango na muda tofauti kuanzia wiki mbili hadi nne.

Baadhi walipewa ARV pekee na wengine walipewa pamoja na sumu hiyo ya 3B3-PE38.

Katika utafiti huo, walibaini kwamba wale ambao walitumia ARV pamoja na sumu hiyo, waliweza kupunguza kwa kiwango kikubwa VVU pamoja na seli ambazo tayari zimeathirika.Taarifa za awali zinaelezwa kuwa sumu hiyo inaweza kusaidia kutibu watu walioathirika na mojawapo ya aina ya VVU.

Read More

SYRIA YATUHUMIWA KUUA WAFUNGWA 10,000 TANGU KUANZA HARAKATI ZA KUMPINDUA RAIS BASHAR AL-ASAAD.

RIPOTI iliyotolewa na viongozi watatu wa zamani wa mashitaka ya uhalifu wa kivita inasema kwamba kuna ushahidi wa kutosha wa kuthibitisha kuwa Syria imewatesa na kuwaua karibu wafungwa 10,000 tangu kuanza harakati za kumpinga Rais Bashar Al-Asaad.


Wachunguzi walipekua maelfu ya picha za wafungwa waliokufa zilizotolewa nchini Syria na mpiga picha mmoja wa jeshi aliyetoroka kazi.

Wanasema miili mingi ilikuwa imekonda na mingine mingi kupigwa na kunyongwa.

Mmoja wa waandaaji wa ripoti hiyo, Professa Geoffrey Nice, aliambia BBC kuwa wingi na uhakika wa ushahidi uliotolewa unaonyesha wazi kuwa Serikali ilihusika katika ukatili huo.

Uchunguzi huo ulifadhiliwa na Serikali ya Qatar inayowaunga mkono waasi wa Syria. BBC imejaribu mara kadhaa kupata majibu ya Serikali ya Syria kuhusu madai hayo lakini Serikali haijatamka lolote. (J.M)

Madai kuwa wafungwa wamekuwa wakiteswa na kuuawa katika magereza ya Syria yamekuwa yakitolewa mara kwa mara na wakereketwa wa haki za kibinadamu tangu maasi yaanze nchini humo miaka mitatu iliyopita.

Hata hivyo madai ya sasa yana upya fulani kwa njia ya kipekee.

Chanzo BBC Swahili
Habari hizi zina ushahidi kutoka kwa wandani wa Serikali wenyewe; mpiga picha wa kitengo cha jeshi cha polisi aliyetoroka kazi amewasilisha maelfu ya picha ambazo alipiga kabla ya kutoroka.


Na wachunguzi wa kimataifa, waliokuwa viongozi wa mashtaka sasa wanaamini kuwa picha walizoona za miili iliyoharibiwa vibaya, iliyopewa nambari na kupigwa picha mara kadhaa, ni ushahidi wa kuaminika.

Zaidi ya miili 11,000 ilipigwa picha ingawa bado kuna wasiwasi kuwa kuna maelfu ya watu ambao walizuiliwa magerezani lakini sasa hawajulikani waliko.

Read More

NCHI YA URUSI NDIYO NCHI INAYOONGOZA KWA KUWA NA UBORA WA ELIMU NA VYUO DUNIANI.

Tunapozungumzia wasomi tunazungumzia idadi ya watu waliomaliza elimu za vyuo vikuu yaani walau mtu ana digrii moja.
Kwa mujibu wa taarifa ya mwaka 2013 ya shirika la OECD ambayo 27/7 Wallstreet walinukuu zifuatazo ndio nchi zinazoongoza:

1. Russian Federation
Wenye kiwango cha elimu ya chuo: 53.5%

2. Canada
Wenye kiwango cha elimu ya chuo: 51.3%

3. Japan
Wenye kiwango cha elimu ya chuo: 46.4%
4. Israel
Wenye kiwango cha elimu ya chuo: 46.4%


5. United States
Wenye kiwango cha elimu ya chuo: 42.5%

6. Korea
Wenye kiwango cha elimu ya chuo: 40.4%

7. United Kingdom
Wenye kiwango cha elimu ya chuo: 39.4%


8. New Zealand
Wenye kiwango cha elimu ya chuo: 39.3%


9. Finland
Wenye kiwango cha elimu ya chuo: 39.3%


10. Australia
Wenye kiwango cha elimu ya chuo: 38.3%

Kumi bora kwa Afrika  kwa mujibu wa UNDP na kunukuliwa na Answers.com ni :

1. Zimbabwe

2. Tunisia

3. Nigeria

4. Misri

5. Afrika Kusini

6. Ghana

7.  Kenya

8. Uganda

9. Zambia

10. Morocco

Read More

BREAKING NEWZZ...RAIS PAUL KAGAME WA RWANDA APATA AJALI KENYA.....!SOMA ZAIDI HAPA....

Watu wawili wamejeruhiwa katika ajali iliyohusisha mojawapo ya magari ya msafara wa magari ya Rais Paul Kagame nchini Kenya.

Rais Mwenyewe hata hivyo hakujeruhiwa katika ajali hiyo iliyotokea saa mbili asubuhi katika eneo la Limuru eneo la Kati mwa Kenya.

Gari hilo hata hivyo lilipoteza mwelekeo likiwa mbali na msafara wenyewe.Dereva wa gari hilo alipoteza mwelekeo katika barabara kuu ya Nairobi-Limuru.

Waliojeruhiwa walipelekwa hospitalini.

Rais Kagame alikuwa anarejea mjini Nairobi kutoka katika kongamano la magavana wa Kenya mjini Naivasha katika bonde la ufa .

Kwa sasa Kagame anakutana na Rais Uhuru Kenyatta katika Ikulu ya Rais.

Kagame alialikwa kuhudhuria kongamano la Magavana nchini Kenya kuhusu uongozi mzuri na utawala bora.

Aliwahutubia Magavana hao siku ya Jumatatu na kuwashauri kuwahusisha wananchi katika maamuzi yao ya maendeleo Aliwataka kuwahusisha wananchi katika maamuzi ili waweze kujieleza wenyewe kuhusu matatizo na changamoto wanazokabiliwa nazo pamoja na kutafuta suluhisho kwa pamoja.

Mfumo wa serikali za majimbo nchini Kenya ulitokana na katiba mpya ambapo huduma nyingi zilizokuwa zinatolewa na serikali kuu sasa zinapaswa kutolewa na magavana ambao ndio wakuu wa majimbo.

Kumekuwa na maandamanao ya mara kwa mara katika majimbo kutokana na magavana kuanza kuwatoza kodi za ajabu wananchi ili kuweza kupata pesa za maendeleo.

Read More

UKATILI WA KUTISHA BABA WA KAMBO AWACHOMA MOTO WATOTO WAWILI HUKU MAMA YAO AKISHANGILIA ,KISA KUTUMIA TSH 10,000 VIBAYA....MATUKIO KATIKA PICHA

Askari  polisi akimuongoza mama  wa watoto hao polisi

Askari  wanaharakati  wa dawati la mtandao wa jinsia kulia na kushoto wakiwa  wamemkamata mama wa watoto  hao tayari kwenda polisi

Hapa wakiingia na mama  huyo katika ofisi za dawati la jinsia mkoa wa Iringa

Hivi  ndivyo  watoto  hao  walivyougunzwa  kinyama na baba wa kambo

Mrakibu mwandamizi  wa  polisi na mkuu  wa dawati la jinsia na  watoto mkoa  wa Iringa ,Atupele Mwambunda  akiwatazama  watoto hao nje ya ofisi ya  dawati la jinsia mkoa  wa Iringa

Mama  wa  watoto hao  Watende  Sanga  akiendelea  kupika chakula baada ya  watoto kuchukuliwa na polisi

Askari  wa dawati la jinsia  Iringa akiingia kumsimamia  mama wa watoto hao kufunga duka lake kabla ya kuchukuliwa kwenda  polisi

 Mkuu  wa dawati la jinsia mkoa wa Iringa Atupele Mwambunda (kulia) akimhoji  mama wa  watoto hao Watende Sanga kuhusiana na ukatili  uliofanywa dhidi ya  watoto  wake.

.................................................................................................

WAKATI  wanaharakati  mbali  mbali wakiwemo  wanaharakati  wa mtandao wa kijinsia  Tanzania (TGNP)  ,wanaharakati  wa  haki za binadam,WAMA kuendelea  kukemea na kuendelea  kupinga vikali vitendo vya  ukatili wa kijinsia na uyanyasaji wa  wanawake na watoto hata kulifanya jeshi la jeshi la  polisi  kuanzisha dawati maalum  linaloshughulikia vitendo vya unyanyasaji wa kijinsia ,baba  wa kambo Mussa Mdetela aamua kuwatesa kinyama watoto wake kwa kuwachoma moto miguu  wakituhumiwa kuiba Tsh 10,000

Wakizungumza  kwa shida na mtandao  huu  watoto hao Baraka Rajab Mohamed anayesoma darasa la kwanza na Mood Rajab Mohamed   anayesoma  darasa la sita walisema kuwa  ilikuwa ni siku ya tarehe 3 ambapo walichukua pesa hiyo kiasi cha Tsh 10,000 na kwenda kununua chakula baada ya  mama yao kushindwa kuwaandalia chakula.

Hata  hivyo Mood anayesoma darasa la sita  msingi Lugalo  alisema kuwa siku ya  tukio mdogo  wake  alikwenda ndani na kuchukua  kiasi hicho cha fedha na baada ya muda  walishirikiana katika matumizi .

Watoto  hao ambao wanadai kuwa baba  yao mzazi  Rajab Mohamed aliwaacha na sasa anaishi  jijini Dar es Salaam na wao  wamekuwa  wakiishi na baba yao mdogo huyo ambae  mara kwa mara amekuwa  akiwaadhibu vikali.

Kwani  walisema  kuwa kutokana na mara kwa mara kushinda bila kula ndipo siku  hiyo walipoamua kuchukua pesa  hiyo ili kununua bagia na vitumbua ili kujikimu kwa njaa .

Hata  hivyo  walisema baada ya  baba yao kurudi kutoka katika shughuli zake na kubaini kuwa  fedha  hiyo imechukuliwa ndipo alipowakamata na kuwafunga kamba na kuanza kuwatesa kwa kichapo ili waweze  kusema mtu aliyechukua pesa  hiyo.

“Alitufunga kamba miguuni na mikononi na kuanza kututesa kwa kutupiga na baada ya kuona hatusemi ndipo alipochukua makaratasi ya naironi na kutufunga miguuni kisha kuchukua kiberiti ,mafuta ya taa na kuwasha  moto katika miguu yetu huku akiendelea  kutupiga na moto ukiwaka miguuni….wakati huo mama alikuwa amekaa mlangoni akishangilia kuwa wapige sana mimi  nimewachoka hawa watoto heri wafe tu” walisema watoto hao

Atupele Mwambunda mkuu wa dawati la jinsia mkoa  wa Iringa ameuthibitishia mtandao  huu juu ya tukio  hilo na kuwa kitendo hicho ni cha kinyama na kamwe hakitavumilika.

Alisema kuwa  kuanzishwa kwa dawati hilo ni kutaka kukomesha  vitendo vya unyanyasaji wa kijinsia kama  hivyo na kuwataka  wazazi na jamii kuepuka kuchukua sheria mkononi kwa  kuwatesa  watoto kama hao ambao mwisho  wa  siku  wanapoteza mwelekeo wa maisha.

Mwambunda  alisema  kuwa hadi sasa wamefanikiwa  kumkamata mama  wa watoto hao Watende  Sanga huku  mzazi  mwenzake Mussa Mdetele bado anatafutwa  na jeshi la  polisi ili  kufikishwa mahakamani kwa tuhuma za kuwatesa  watoto hao.

Huku mama  wa watoto hao  akidai  kuwa wakati baba yao mdogo akiwapiga watoto hao yeye hakujua kinachotokea  japo alikuwa na taarifa ya  kupotea kwa  pesa katika duka na kuwa baada ya tukio hilo aliwanunulia dawa ili kuwatibu  kinyemela pamoja na kuwaombea  ruhusa shuleni .

Pia mwanamke  huyo aliomba  kusamehewa kwa madai  kuwa hakujua kama kushangilia wakati  baba yao akiwatesa  watoto hao ni kosa

Read More

WANAWAKE WA TANZANIA NI JANGA.....WAPEKULIWA MPAKA SEHEMU ZA SIRI

JANGA la kusafirisha madawa ya kulevya Bongo limezidi kuwa zito kufuatia takwimu za hivi karibuni kuonesha kwamba, idadi ya wanawake kujihusisha na shughuli hiyo inazidi kupanda.

 

Jack Patrick.

Akizungumza na paparazi wetu, Kamanda wa Kudhibiti na Kuzuia Madawa ya Kulevya Tanzania, SACP Godfrey Nzowa alisema wanawake wamekuwa ni janga kwa kuwa  wanaongoza kwa kukamatwa kutokana na kujihusisha na biashara hiyo haramu ya ‘unga’.

NZOWA AANIKA MAMBO
 
Katika mahojiano maalum, Kamanda Nzowa alisema inasikitisha, inashangaza kwani kwa kipindi kifupi cha kuanzia Desemba 11, 2013 mpaka Januari 6, 2014  watuhumiwa watano walikamatwa na unga, kati yao wanawake walikuwa wanne.

 

Masogange.

“Hata mwaka jana mpaka Juni, wengi wa watuhumiwa tuliowakamata ni wanawake ukilinganisha na wanaume, hii ni mbinu inayotumiwa na wasafirishaji wa mihadarati kwa kuwatumia wanawake,” alisema Nzowa.

ANAJUA KITAKACHOENDELEA
 
Kamanda Nzowa alikwenda mbele zaidi kwa kusema: “Tunajua, wahusika wakiona wanawake wanadhibitiwa sana watabadilisha na kutumia wanaume kusafirisha madawa hayo, hii hali inatisha lakini tumeigundua.”

UWANJA WA NDEGE DAR UPENYO?
 
Nzowa alisema kuwa, watuhumiwa wote hao walikamatwa katika Uwanja wa Ndege wa Kimataifa wa Julius Nyerere (JNIA) jijini Dar wakiwa wamepakia kete za madawa hayo tumboni wakiyasafirisha kwenda nje ya nchi.

KUPANDA MAHAKAMANI WAKATI WOWOTE
 
Kamanda huyo aliongeza kwamba wanawake watatu walikamatwa Desemba 11, mwaka jana uwanjani hapo wakiwa na madawa tumboni wakielekea nchini China.

Aliwataja wanawake hao kwa ni, Mariam Hamad (29), mkazi wa Tabata- Kimanga, Dar. Alikutwa na pipi zenye uzito wa gramu 670. Hadija )Abdu (30, mkazi wa Magomeni, Dar alikutwa na kete zenye uzito wa gramu 1,227.

Wengine ni Sabrina Salum (34), mkazi wa Kiwalani, Dar.

Alikutwa na unga wenye uzito wa gramu 310 na Salama Omar (miaka haikutajwa), mkazi wa Tabata, Dar alikutwa na madawa yenye uzito wa gramu 1,975. Alikamatwa Januari 6, mwaka huu.

Kwa mujibu wa Kamanda Nzowa, watuhumiwa hao watafikishwa mahakamani wakati wowote kuanzia sasa mara baada ya upelelezi kukamilika.

Imeelezwa kuwa, wanawake wengi wamekuwa wakitumika kusafirisha unga kutokana na tabia iliyokuwepo huko nyuma kwamba, walikuwa wakiaminika na hawakuwa wakikaguliwa kwa undani walipokuwa wakipita viwanjani.

NZOWA ATAHADHARISHA
 
“Nawatahadharisha wale wote, wakiwemo wanawake wenye nia au wanaofanya biashara hii haramu kuacha kwa sababu vyombo vya dola vitawakamata,” alisema Nzowa.

WANAOGOPWA VIWANJA VYA NDEGE
 
Baadhi ya wafanyakazi wa Uwanja wa Ndege wa Julius Nyerere walipohojiwa na gazeti hili kwa sharti la kutoandikwa majina yao gazetini, walisema wanawaogopa sana wanawake wanaosafiri siku hizi.

“Hivi sasa tunawaogopa sana wanawake wanaosafiri kwa ndege kuliko wanaume kwa sababu wanaweza kukuingiza katika matatizo ikiwa watapenya na madawa ya kulevya na kukamatwa hapa Dar au huko nje ya nchi,” alisema mfanyakazi mmoja.

Alifafanua kwamba, kutokana na hilo wamekuwa wakiwapekua wanawake kila sehemu za miili yao hata sehemu nyeti ikibidi ili kuhakikisha hawapiti na madawa hayo uwanjani hapo.

WANAWAKE HAO WAPO MASTAA
 
Hivi karibuni baadhi ya mastaa Bongo wamenaswa kwa kujihusisha na biashara hiyo. Baadhi yao walikutwa na hatia na kuhukumiwa, wengine kesi zao zinaendelea.

Wasanii hao ni Jacqueline Patrick (alikamatwa Macau-China), Saada Kilongo (JNIA-Dar), Agnes Gerald  ‘Masogange (Afrika Kusini) na Melisa Edward (Afrika Kusini). Pia yumo Mbongo aliyenaswa Misri aliyetajwa kwa jina moja la Fatuma huku Sandra Khan ‘Binti Kiziwi’ akitumikia kifungo cha miaka mitano China.

JK AKASIRIKA, AWAONYA WASANII
 
Akizungumza katika mkutano mmoja na wasaniiwa Rais  Tanzania, Jakaya Kikwete ‘JK’ alionesha hasira zake za wazi kwa wasanii wanaotumika kubeba unga kwenda nje ya nchi.

JK aliwaonya wasanii wenye tabia hiyo na wale ambao wapo katika ushawishi wa kujiingiza kwenye biashara hiyo inayopigwa vita kwa sasa duniani kote kuacha kufanya hivyo. 

-gpl

Read More

HAYA NDIYO MAGARI YA KIFAHARI ANAYOMILIKI NA ANAYOPENDELEA 'SAMUEL ETO’O'

Huyu ni Mka Cameroon anayesakata Kabumbu la kulipwa huko barani Ulaya, kwa sasa anaichezea Timu ya Chelsea, Pia Samuel ni mchezaji wa timu ya Taifa ya Cameroon. Eto'o hivi karibuni ameonekana kutisha sana katika kabumbu analocheza huko ulaya. Tarehe 19 mwezi huu aliweka historia kubwa katika maisha yake kwa kupiga Hat trick kwa kuifuna Manchester united bao 3-1 na kufanikiwa kunyakuwa mpira kama zawadi.

Pia Kati ya Vitu samwel Eto'o anavyovipenda katika maisha yake ni kuwa na Magari ya Kifahari. Hayo hapochini ni baadhi ya Magari ya kifahari anayomiliki mchezaji huyu mkameruni. Nukuu Eto'o said: "I like to have a few cars because it gives me choice and it doesn't hurt anybody. To give happiness, the first thing is to be happy oneself, and I am." 

Maybach Xenatec Coupe worth £750,000

Aston Martin V12 Zagato, worth at £450,000

Bugatti Veyron worth at £1.55m

Read More

BREAKING NEWZZ!!! LETTIE MATABANE: MUIGIZAJI MAARUFU WA ISIDINGO AFARIKI DUNIA LEO! ALIKUWA AKIISHI NA VIRUSI!

Lesego Motsepe (Lettie Matabane), enzi za uhai wake

Mwaka 2011 Lettie aliwahi kujitangaza kuwa anaishi na Virusi vya Ukimwi

Aliyekuwa muigizaji maarufu katika Tamthilia ya Isidingo The Need ya Afrika Kusini, Lesego Motsepe maarufu zaidi kwa jina la Lettie Matabane, amefariki dunia nchini mwake Afrika Kusini mapema leo. 

Lettie, ambaye alijipatia umaarufu mkubwa katika tamthilia hiyo kuanzia mwaka 1998 hadi 2008 alipoamua kuondoka, alikuwa akiishi na virusi vya Ulimwi kwa zaidi ya miaka 15. Mwaka 2011, aliwashitua mashabiki wake baada ya kuwatangazia kuwa yeye ni muathirika wa ukimwi. 

Hata hivyo wengi walimpongeza kwa kuwa na ujasiri wa kujitangaza hadharani, kwani kwa miaka mingi alikuwa akifanya kazi ya ubalozi wa mambo ya ukimwi.

 Aliianza kazi hiyo ya ubalozi kabla hajaathirika na hata alipoathirika hakushituka sana ingawa hali hiyo ilibadili maisha yake kabisa.

Tamthilia ya Isidingo ni miongoni mwa tamthilia kongwe na maarufu nchini Tanzania ambayo imekuwa ikioneshwa na televisheni ya ITV kwa zaidi ya miaka kumi sasa bila kuchosha watazamaji wake.

Mungu ailaze roho yake mahala pema - AMEEN!

Read More

MWANAJESHI FEKI ATIWA MBARONI TANGA AKIMTAPELI DC

'Koplo' feki wa JWTZ akiwa ofisini kwa mkuu wa wilya.

 'Koplo' feki akiwa na pamoja na Luteni Yahya Wangwe na Mteule daraja la pili Albano Semfuko.

 'Koplo' feki akijiandaa kupanda  kwenye gari kupelekwa kituo cha polisi kwa mahojiano zaidi

Na Mashaka Mhando,TANGA
VIKOSI vya Ulinzi na Usalama Wilayani hapa,vinamshikilia Edwin
John Mponji (31) kufuatia kwenda ofisi ya Mkuu wa Wilaya ya Tanga na
kujitambulisha kwamba yeye ni koplo wa jeshi la Wananchi JWTZ akitaka
kijana wake afanyiwe mpango wa kuingizwa Jeshi la kujenga Taifa. "Koplo" Mponji alikwenda ofisi ya Mkuu wa Wilaya ya Tanga,Halima Dendego
Januari 16 mwaka huu siku ambayo Kamati ya Ulinzi na Usalama Wilayani
hapa ilikuwa katika zoezi la kuwafanyia usaili vijana wanaotakiwa
kujiunga na jeshi la kujenga Taifa (JKT).

Akiwa katika ofisi ya Mkuu wa Wilaya,Mponji alijitambulisha kuwa yeye
ni afisa wa JWTZ ambaye kwa sasa yupo kikosi cha 36 KJ Mkoani Pwani
ambapo aliambatana na kijana Emmanuel Joseph akitaka afanyiwe mpango ili apate nafasi.

Hata hivyo wakati akitoa maelezo hayo,Mshauri wa Mgambo wa Wilaya ya
Tanga,Sir Meja Albano Semfuko alimtilia shaka na kumjulisha Mkuu wa
Wilaya ambaye aliamuru ashikiliwe kwa mahojiano zaidi.

Akizungumza na waandishi wa habari,Mkuu wa Wilaya ya Tanga alisema
baada ya mahojiano ilibainika kuwa Mponji sia askari wa JWTZ ndipo
akalazimika kupelekwa nyumbani kwake mtaa wa Magomeni Jijini hapa
alipopekuliwa alikutwa na sare za JWTZ zikiwa na cheo cha koplo.

Alisema wakati akikamatwa,Mponji alikuwa amevaa kaptura ya jeshi la
Polisi lakini alipowekwa rumande ya kituo cha Polisi Chumbageni
alifanya njama za kuivua na kisha kumpa mahabusu aliyekuwa akitoka
ambaye alitoweka nayo.

Mponji alionyeshwa kwa waandishi wa habari akiwa amevalia sare ya
jeshi la Wananchi ambapo alipohijiwa alishindwa kutoa maelezo ya
kueleweka juu ya wapi alikokuwa amezipata sare hizo inagawa alikiri
kuwa aliwahi kumaliza mafunzo ya Jeshi la Kujenga Taifa kikosi cha 841
KJ Mafinga.

Kufuatia tukio hilo,Mkuu wa Wilaya ya Tanga aliamuru Jeshi la Wananchi
kwa kushirikiana na Jeshi la Polisi kumfanyia uchunguzi wa kina ili
kubaini mtandao wake.

Read More